Ministerio Públiko tin su propio wepsait

WILLEMSTAD – Awe djarason 20 di febrüari Ministerio Públiko di islanan BES, Kòrsou i Sint Maarten a lansa su propio wepsait. Segun Ministerio Públiko e wepsait ta den kuadro di mihó suministro di informashon na un forma mas profeshonal posibel.

Riba e wepsait por haña hopi informashon di e Parkèt di Prokurador-General, Parkèt di Fiskalia i rúbrikanan informativo. Riba e sait tambe tin un sekshon kaminda e usuario por mira vakatura nan ku tin den e organisashon.

Segun informashon di Ministerio Públiko e wepsait no ta kompletamente kla ainda. Durante e promé fase e wepsait lo ta na Ulandes. Denter di un periodo hopi kòrtiku lo amplia esaki tambe ku Ingles i Papiamentu.

E wepsait di Ministerio Públiko ta alkansabel na: www.openbaarministerie.org