WILLEMSTAD – A konsekuensia di kehonan ku sensitividat politiko ku resientemente a keda entregá na Ministerio Públiko di Kòrsou, e último aki a instituí un komishon yamá “Toetsingscommissie politiek gevoelige aangiften” ku ta konsistí di miembronan di Parket di Prokuradó-General, Parkét di Ministerio Públiko Kòrsou i Landsrecherche.
E komishon a desaroyá kriterionan a base di entre otro hurisprudensia pa evaluá kehonan ku drenta. E komishon ta studia e kehonan i ta duna konseho na mando di Parkét di Ministerio Públiko tokante e nesesidat of deseo / kumbiniensia pa kontinuá ku persikushon.
Mando seguidamente, a base di e konseho, ta tuma un desishon kontinuashon di tratamentu di e keho, si ta sigui mas investigashon of persekushon. E desishon aki ta keda notifiká por eskrito ku su motivashon na e persona ku a duna keho. Den kaso Ministerio Públiko no ta persigui, ta pone esaki na konosementu di esun ku a duna keho, ku na su turno por start un asina yamá ‘klaagschriftprocedure’ (artikulo 15 di e kódigo di prosedementu penal) na Korte di Hustisia.