Ministerio Públiko ta ser menshoná ultimo dianan aki repetidamente den prensa relashoná ku un kaso di
aksidente fatal ku a tuma lugá dia 4 di yanüari 2005, kaminda Sr. G. Schotte tabata enbolbi i ta wordu akusá di no a traha prosesverbal den e kaso, no a investiga e kaso, i di no a persigui Sr. Schotte penalmente.
Ministerio Públiko ke aklará ku den e kaso spesífiko aki un Fiskal di Ministerio Públiko i polis di trafiko tabata presente na e sitio di e aksidente i a base di investigashon hasi dor di polis i Fiskal di Ministerio Públiko a yega na e konklushon ku Sr. Schotte no a okashoná e aksidente ei i no mester a wòrdu persigui penalmente.
Sr. Schotte mientrastantu a entrega resientemente un denunsia na Ministerio Públiko pa ekstorshon den e kaso aki. E kaso di ekstorshon ta bou di investigashon.