E último lunanan Ministerio Públiko a ser konfrontá ku kehonan ku tinta polítiko, entrega dor di suidadanonan, polítiko i organisashonan di interes. Ministerio Púbiko ta trata den prome instansia reserva den kaso di pèrsigushon di kehonan ku tinta polítiko. Ta trata spesifikamente den kaso di keho di difamashon i ofensa prosedente for di e arena polítiko.
Ministerio Públiko ta den prome insante di opinion ku loke ta ser lansa den arena polítiko, tin ku ser solushoná den e mesun arena polítiko. Si ta primi Ministerio Públiko komo refri den e arena polítiko, ta kore e riesgo
ku e imparsialidat di Ministerio Públiko den nos sosiedat por keda trese den diskushon.
Tur denunsia ku ta ser entregá na Ministerio Públiko, sin eksepshon, ta keda husgá dor di un Fiskal. Esei ya kaba, den algun kaso, a resultá den un investigashon dor di recherche of Landsrecherche. E último por ta e kaso si ta trata di por ehèmpel un keho duná ora ta trata di soborno den un setting polítiko, menasa of provokashon.
Ministerio Públiko, den su konsiderashon ta tene kwenta ku e menasa di sugestibilidat den e fuente di preshon ku un kaso di rastreo of persigushon por kousa, sigur den rumbo di un elekshon. Esaki por trese kune ku sierto
aktonan por keda posponé.
Ministerio Públiko ta enfatisá finalmente ku e ta un servisio gubernamental, enkargá ku kombatimentu di kriminalidat pa medio di buskeda i persigishon di esnan ku ta violá lei. Su meta ta pa hasi Kòrsou un isla mas seif pa su suidadanonan, irespekto preferensia politiko of kerensia.