Sra. Clarelli Hato-Willems i sra. Nicole Martinez a huramentá djaweps mainta komo respektivamente Fiskal di Ministerio Públiko di Kòrsou i Fiskal Suplente di Ministerio Públiko di Kòrsou.
Sra. Hato-Willems ya kaba tabata nombrá komo Fiskal Sustituto mientras ku sra. Martinez ta sigiendo e estudio di RAIO (Rechterlijk Ambtenaar in Opleiding ter Griffie van het Gerecht in Eerste Aanleg na Kòrsou.
E seremonia kortiku a tuma luga den presensia di koleganan di Ministerio Públiko i Korte di Hustisia na ofisina di Prokurador-General, sr. Dick Piar ku a presta e huramentashon.