Dutch Antilles Express, entrante promé di yüni próksimo, ta kuminsá ku su buelo diario nònstòp pa Miami. Dutch Antilles Express lo realisá su buelo nan diario pa Miami ku su MD83 konfortabel, saliendo for di Kòrsou 11.00 di mainta i yegando Miami 1 or di mèrdia. E buelo di regreso for di Miami ta sali 3 or di mèrdia i ta yega Kòrsou 6 or di atardi.
Miami ta e promé punto di entrada pa Merka pa Dutch Antilles Express. E liña aéreo ta ekspandiendo su ret di destinashon ku e ta kubri pa asina por kumplí ku demanda di e komunidat di Kòrsou.
Dutch Antilles Express a keda gratamente sorprendí pa e reakshon di komunidat na momentu ku a bira konosí ku Dutch Antilles Express ta bai bula riba Miami. Dutch Antilles Express lo konektá Kòrsou ku Miami pa medio di buelo nan nònstòp diariamente for di 1 di yüni 2012. E tíketnan ya ta na benta kaba.
Un bosero pa Dutch Antilles Express a bisa: “Nos ta sumamente entusiasmá pa kuminsá e buelonan pa Miami ku nos MD83. Nos ta trahando duru pa prepará tur kos pa por ofresé un eksperensha na e pasahero di tal forma ku e ta sintié komosifuera Miami ta un par di stap mas leu miéntras e ta bula den un ambiente netamente kurasoleño pa su destinashon di eskoho. E notisia tokante e buelo nan di Dutch Antilles Express pa Miami ya a generá entusiasmo speshalmente serka esnan ku ta preparando pa bai Miami den periodo di vakashon.”
Dutch Antilles Express ta ofresiendo un tarifa introduktorio pa round trip atraktivo di US$ 156,- pa esnan ku hasi reservashon trempan pa bula pa Miami ku Dutch Antilles Express. E oferta ta válido pa bula di Kòrsou pa i for di Miami te ku 29 di yüni 2012.
E tíket mester keda kumpra promé ku 19 di yüni 2012. Tin un kantidat limitá di asiento disponibel.
Tur interesá den Dutch Antilles Express su buelo direkto nònstòp pa Miami por tuma kontakto ku Dutch Antilles Express su call center na 461 3009 òf bishita ofisina di e linea aéreo na sea Saliña, Hato of WTC òf por tuma kontakto tambe ku un agente di biahe.