Deporte Awe! den forma di eksklusividat a haña e informashon ku tin un otro yu’i di Kòrsou ku ta partisipá den e kompetensia Mundial di atletismo na Daegu, Sur Korea. Ta trata aki di e hóben yu di Kòrsou, Geronimo Goeloe. Den pasado Geronimo a yega di partisipá kaba na diferente kompetensia internashonal i a forma parti di e selekshon di Antia ku a sali na di seis lugá den e kampionato Mundial di atletismo na 2005. Kontrali na Churandy Martina i Brian Mariano, Geronimo ta kore pa isla ruman i bisiña, Aruba. Geronimo lo bai partisipá den 100m meskos ku Churandy. Esaki ta nifiká ku si tur kos bai bon Kòrsou por tin dos di su yu nan den final di 100m. Meskos ku Churandy i Brian, Deporte Awe! ta deseá tur klase di éksito na Geronimo aya na Daegu, Sur Korea.
Menu