Mira nan broma ku nos kos!

Manera Deporte Awe! a relatá anteriormente dia 27 di ougùstùs pa 4 di sèptèmber lo tuma lugá e di 13 kampionato mundial di atletismo na Daegu, Sur Korea. Pa motibu ku e federashon internashonal di atletismo (IAAF) no ta rekonosé Kòrsou nos atleta nan tòp manera Churandy Martina i Brian Mariano a opta e ora ei pa kore pa Hulanda.

En konekshon ku e kampionato mundial e Union Atlétiko Hulandes ta publiká un buki ku informashon pa prensa. E buki aki lo ta disponibel for di 18 ougùstùs, pero ya awe Deporte Awe! a haña e kaft di e buki mira. Riba e kaft tin un potrèt di e atleta yu di Kòrsou Churandy Martina.

Ata e kaft di e buki ku informashon ku lo sali pa prensa.