WILLEMSTAD — E organisashon di futbòl lokal Centro Sosial Deportivo Barber tin un direktiva nobo.
Djárason anochi a tuma lugá e reunion general dje organisashon di futbòl di Barber pa asina eligí un direktiva nobo.
Durante e reunion aki Sr. Rudsel Gijsbertha a keda eligí komo e presidente nobo di e organisashon di futbòl di Bándabou. Mester remarká ku e mesun djárason anochi tambe e puestonan den e direktiva nobo a wòrdu repartí.
Sr. Rudsel Gijsbertha ta e presidente. Visepresidente ta: Sr. Robert Duncan. Sekretario: Sr. Reginald Pieters. Di dos sekretario ta: Sra. Roxienne Albertina. Tesorero: Sr. Rodney Girigori. Di dos tesorero ta Sr. Brachelo Regina. Miéntras ku Sr. Raidel Meulens, Sr. Gwendell Doorson i Sra. Naphtalya Jacobus a keda nombrá komo komisario.
Barber su Direktiva
| Funshon | Nòmber |
|---|---|
| Presidente | Sr. Rudsel Gijsbertha |
| Visepresidente | Sr. Robert Duncan |
| Sekretario | Sr. Reginald Pieters |
| Di dos sekretario | Sra. Roxienne Albertina |
| Tesorero | Sr. Rodney Girigori |
| Di dos tesorero | Sr. Brachelo Regina |
| Komisario | Sr. Raidel Meulens Sr. Gwendell Doorson Sra. Naphtalya Jacobus |
Pues CSD Barber ta konta awor ku un direktiva di 9 hende i e meta prinsipal di nan ta pa traha na bienestar dje organisashon i Hubentut di Bándabou. Éksito na e direktiva nobo di CSD Barber.