HULANDA — E bòksdó kurasoleño Dethen Rosaria, kende ta biba na Hulanda i ta train ku Fitboyz010, a klasifiká pa e finalnan di OZNK, e Kampionato Habri Zuid-Hulanda di NBB (Asosiashon Hulandes di Bòkseo), wikènt pasá.
Djasabra dia 24 di januari Rosaria a gana e semifinalnan na Sittard kontra Osiris Polenghi Lopez di Boksschool Barry Groenteman.
Rosaria tambe a logra eksito den klasifikashon e fin di siman anterior.
Djasabra 17 di januari Rosaria a derota Damiaan van Noort di Bredase Ring den e buelta di 16 na Breda, i djadomingu 18 di januari el a gana e kuart di final na Eindhoven kontra di Louis van Eck di RBV Crooswijk.
Djadomingu 8 di februari Rosaria lo boks kontra Hanci Dilaver di Belgica den final di e klase di peso 75-80 kg.