WILLEMSTAD – Manera ya ta konosí resientemente México, Puerto Rico i Repúblika Dominikana a informá na organisadónan, ku nan lo no partisipá na e próksimo edishon di Serie del Caribe. E torneo aki mester tuma lugá febrüari na Venezuela. Ounke ku niun di e paisnan no a trese dilanti, ta motibu prinsipal ku e tres potensianan aki di beisbòl lo no ke partisipá. Esaki mirando e insertidumbre ku tin awor aki pa ku Venezuela.
Mester tuma un desishon pa wak awor, kiko lo bira e siguiente stap pa organisadónan. Por opta pa kambia e sede pa asina México, Puerto Rico i Repúblika Dominikana por partisipá, òf por disidí na invitá otro pais.
Entre e paisnan ku lo por invitá, Kòrsou ta un di nan. Segun presidente di Federashon di Beisbol di Korsou, Jedrek Magdalena, tabatin kontakto kaba di parti e organisadónan pa invitá Kòrsou. Esaki despues ku tabatin indikashon ku Puerto Rico so lo no a partisipá mas. Despues ku e tres paisnan a anunsiá nan desishon, e parti di invitá Kòrsou a kai na awa. Ounke ku ainda Kòrsou ta keda komo opshon, pa por drenta komo pais invitá den Serie del Caribe 2026.
E representashon di Kòrsou a partisipá na 2023 I 2024 na Serie del Caribe, komo un di e paisnan invitá den e torneo di beisbòl regional.