WILLEMSTAD – Parlamento di Kòrsou a invitá Thaíma Maximiliana, promé yu di Kòrsou ku a wòrdu selekshoná den e promé ‘Women’s Pro Baseball League’ na Merka. Durante e enkuentro, Presidente di Parlamento sr. Fergino Brownbill, na nòmber di Parlamento, a duna Thaíma un rekonosementu pa su logro i su kontribushon pa pone Kòrsou riba mapa internashonal di deporte. Alabes Miembronan a hiba un kombersashon ameno ku Thaíma i a dese’é hopi éksito den su karera deportivo i a ekspresá orguyo pa e logro ekstraordinario aki.
