LIMA – Kompetensia di beisbòl Bolivariano a ranka sali aki na Lima, Peru kaminda ku Kòrsou ta logra un viktoria grandi pa medio di nòkout kontra di El Salvador ku no a duna mashá resistensia.
Picher ganadó tabata Temesh Lourens miéntras ku Shèn Martinus a konektá un tremendo ‘homerun’ pa leftfield. Mester asentuá tambe e bon bateo di e primera base Ray Jackson Chirino.
Pa loke ta trata e numeritonan final, Kòrsou ta gana ku 11 kareda, 12 hit i no a kometé eror, miéntras ku El Salvador no ta nota kareda, nan ta konektá 4 hit i nan ta kometé 3 eror.