WILLEMSTAD — Despues di un pousa pa motibu di partidonan di eliminatorio Mundial Rusia 2018, e kampionato di futbòl Liga MCB a kontinuá ayera. Den kontinuashon di e Liga, e ekipo di Jong Holland a enfrentá Scherpenheuvel den Stadion Antoine Maduro (SUBT). Akinan tabata Jong Holland ku a logra e tres puntonan derotando Scherpenheuvel ku skor di 1-0. Pa Jong Holland e gol a keda anotá pa Gerffert Koster.
E kampionato ta kontinuá awe nochi pa mitar di nuebe di anochi ku e partido entre Hubentut Fortuna i Jong Colombia na Stadion Antoine Maduro (SUBT).
Skema Liga MCB pa e siman aki i wikènt:
| Djarason | 17 yüni 15 | 20.30 | Jong Holland | vs | Scherpenheuvel | SUBT |
| Djaweps | 18 yüni 15 | 20.30 | Hub. Fortuna | vs | Jong Colombia | SUBT |
| Djabièrnè | 19 yüni 15 | 20.30 | Victory Boys | vs | Undeba | SUBT |
| Djasabra | 20 yüni 15 | 19.00 | C. Dominguito | vs | Subt | SUBT |
| 21.00 | CSD Barber | vs | Scherpenheuvel | |||
| Djaluna | 22 yüni 15 | 20.30 | Jong Holland | vs | FC Sithoc | SUBT |
Skema Liga MCB segundo divishon:
| Djaluna | 22 yüni 15 | 19.00 | C.H. Mahuma | vs | Sta Cruz |
| 21.00 | U.D. Tera Kora | vs | Inter Willemstad | ||
| Djarason | 24 yüni 15 | 19.30 | Indekor | vs | De Koning |
| Djaweps | 25 yüni 15 | 19.30 | Vesta | vs | Marquita |
Tur e partidonan di segundo divishon ta tuma lugá na FFK