WILLEMSTAD – Despues ku luna pasa nos selekshon nashonal kategoria U-20 a sa di klasifiká komo number un den su pul pa e weganan di kualifikashon di mundial di U-20 di FIFA, nos selekshon ta kla pa su kompromisonan den e di 2 buèlta di e weganan pa kualifikashon pa mundial.
E weganan aki lo tuma lugá na Trinidat & Tobago i nos selekshon nashonal lo biaha mañan, 11 di sèptèmber i ta regresá dia 21 si sèptèmber próksimo.
Despues di dianan di trainingnan intensivo, un temporada di preparashon ekstenso i e yegada di shete hungadó di Hulanda i un di Alemania ku a bin pa reforsá nos selekshon U-20, nos ta kla pa kumpli ku e weganan di e segunda buèlta.
Nos pul ta konsistí di e siguiente paisnan; Trinidad & Tobago, Cuba, Sürnam i Kòrsou.
Skema di weganan:
| Fecha | Tim di kas | Bishitante | Orario | Lugá | |
| 1 | 12 sèptèmber 14 | Kòrsou | Cuba | 4:00pm | Hasely Crawford Stadium (Trinidad & Tobago) |
| 2 | Trinidad & Tobago | Sürnam | 6:15pm | ||
| 5 | 14 sèptèmber 14 | Cuba | Sürnam | 5:00pm | |
| 6 | Trinidad & Tobago | Kòrsou | 7:15pm | ||
| 9 | 16 sèptèmber 14 | Sürnam | Kòrsou | 5:00pm | |
| 10 | Trinidad & Tobago | Cuba | 7:15pm |
Skema di weganan pa terser i kuarto puesto i final:
| Fecha | Tim di kas | Bishitante | Orario | Lugá | |
| 13 | 19 sèptèmber 14 | Finalista Pul A | Finalista Pul B | 5:00pm | Hasely Crawford Stadium (Trinidad & Tobago) |
| 14 | 19 sèptèmber 14 | Ganadó Pul A | Ganadó Pul B | 7:30pm |
Nos selekshon nashonal di U-20 ta konsistí di un grupo di 20 hungadó ku ta wòrdu dirigí pa Sr. Hendry Caldera ku ta e direktor tékniko di e selekshon aki i Sr. Raymond Schotbotg ku ta e asistente di e direktor tékniko.
Tambe a biaha huntu ku e selekshon Sr. Sherwin Martina ku ta esun enkargá ku e materialnan di e selekshon, un masahista kual ta Sr. Norwin Allee i e hefe di delegashon ku ta Sr. Urvin Faneijte, miembro di direktiva di FFK.
Nos selekshon ta konsistí di e siguiente hungadónan:
- Zeus De La Paz (P.C.V)
- Bryan Bakboord (Victory Boys)
- Luivieno Statia (FC. Doordrecht)
- Richelo Fecunda (ADO. Denhaag)
- Jean-Pierre Ascencion (Scherpenheuvel)
- Mischa Boelens (De Graaf Schap)
- Micheal Maria (FC. Dochium)
- Jahir Valerius (Victory Boys)
- Jersylee Riley (Scheveningen)
- Linadro Martis (Willem 2)
- Urlyson Hamen (N.E.C)
- Cedrickson Antonio (Victory Boys)
- Shaquelle Clements (Centro Dominguito)
- Geffert Koster (Inter Willemstad)
- Andruw Stokkel (Centro Barber)
- Diquan Meijers (Centro Dominguito)
- Isai Marselia (Jong Holland)
- Gleymian Streden (Inter Willemstad)
- Shurwendley Vicento (UNDEBA)
- Juricmar Arnhem (Mahuma)
FFK i MCB kier a deseá nos selekshon di U-20 tur klase di éksito i tin sigur ku nan lo sa di sigui hasi e bon trabou na Trinidad & Tobago, meskos ku nan a hasi na Kòrsou luna pasa den e weganan di klasifikashon pa mundial di FIFA U-20.