WILLEMSTAD – Futbòl Liga MCB a kontinuá ayera ku e partidó entre Jong Holland i Hubentud Fortuna. Tabata Jong Holland ku e logra e viktoria den e partido aki derotando Hubentud Fortuna ku skor di 3-1. Na di 27 minüt di e partido Jong Holland a habri e markadó ku gol di Isai Marselia. Riba un tiru liber na di 35 minüt, Charles Martina ta hasi e partido 2-0. E mesun Charles Marina aki ta hasi e partido 3-0 riba un otro tiru liber ku tabata for di e alkanse di e portero di Hubentud Fortuna. E ekipo di Hubentud Fortuna ta haña un pinalti na di 78 minüt ku ta keda kobra ku éksito pa Mauricio Moreno.
Liga MCB ta kontinuá djabièrnè ku e partido entre Centro Barber i Victory Boys.
Djasabra manera ta kustumber lo tin dos partido. E promé partido ta Sithoc kontra Subt i despues Centro Dominguito kontra Vesta.
Djadumingu no tin partido e wikènt aki.