WILLEMSTAD — Direktiva di Federashon Futbòl Kòrsou (FFK) a tuma nota di e mensahenan ku a ser distribuí ayera via medio di komunikashon i retnan sosial tokante un supuesto pelea durante un wega di futbòl na stadion Dr. Antoine Maduro.
FFK ta desmentí e informashon aki i ta distansiá su mes di e informashon aki. Segun informashon ku Federashon tin disponibel, no ta tin ningun pelea ni otro insidente grave durante e weganan ku a tuma lugá ayera na stadion Dr. Antoine Maduro, manera a keda indiká den e mensahenan.
FFK ta lamentá ku informashon no konfirmá i di e tipo aki ta ser mandá rònt. Mensahenan asina por kousa intrankilidat innesesario i ademas, por daña e imágen di futbòl di Kòrsou i di e klupnan envolví.
FFK ta enfatisá ku e Federashon ta sigui komprometé ku un ambiente di futbòl sano, deportivo i respetuoso na Kòrsou. Nos ta hasi un yamada pa tur hende ku promé ku saka informashon pa konfirmá esaki promé ku Federashon.
Federashon Futbòl Kòrsou ta sigui komprometé ku komunikashon transparente i korekto i ora ta nesesario, lo duna mas klarifikashon via su kanalnan ofisial.