WILLEMSTAD (DA) — Djadumingu awor den Stadion Ergilio Hato Scherpenheuvel lo topa kara kara ku Inter Willemstad durante e gran final di Kampionato FFK Promé Divishon 25-26 pa 7’or di anochi. Despues di a batayá henter kampionato, e 2 finalistanan aki ta kla pa bai ku e título máksimo di Kampionato FFK Promé Divishon 25-26.
Pa e partido final aki lo tin 2 porta disponibel, e entrada prinsipal di Stadion Ergilio Hato i tambe e porta di sekshon A, ora di partidonan internashonal. Portanan di stadion ta habri 5:30PM i 7’or empunto bala ta kuminsá lora. FFK ta konseha pa yega trempan pa evitá tráfiko i stagnashon na porta.
Entrada pa e gran final di Kampionato FFK Promé Divishon ta kosta solamente cg.10,- pa adulto miéntras mucha di 6 pa 12 aña i 60+ ta paga solamente cg. 5,-.
Karchinan ta optenibel ‘online’ via e siguinte link;
https://shop.ffk.cw/event-details/scherpenheuvel-vs-willemstad-e-bataya-final
Òf na lokèt di stadion un ora i mei promé ku e partido kuminsá, kòrda ku in = in & out=out pues si bo sali for di stadion bo mester bolbe paga pa drenta bèk!
Pa esnan ku no por yega stadion por sigui e gran final aki via e siguinte ‘link’ di FIFA Plus;
https://www.dazn.com/fixture/ContentId:1hqoudqvcl4tu1wepe3mcmnboo/1hqoudqvcl4tu1wepe3mcmnboo