WILLEMSTAD (DA) — Jong Colombia a anunsiá ku Gersinio “Zino” Constancia lo sigui traha komo Head Trainer i koördinadó di su ala hubenil Sharkies durante temporada 2026-2027 i 2027-2028.
E klub tin komo un di su metanan prinsipal pa bolbe na e top di futbol na Kòrsou, mientras un otro meta importante ta pa reaktivá su departamento hubenil Sharkies.
Jong Colombia a indiká ku Constancia a komprometé su mes kompletamente ku tur dos meta i lo sigui ku e trabou durante e dos temporada benidero.
Banda di esaki e ekipo ta anunsiá ku nan ekipo di terser divishon lo hunga awe su promé partido di Kaya 4 kontra Haitian klub, pa 9:00 di anochi den Stadion Antoine Maduro.