WILLEMSTAD — E promé partido tabata pa e di tres i di kuater lugá, e siguiente partido tabata pa e promé i di dos lugá.
E promé partido tabata kayente kaminda SKAIH PRE UNIVERSITARIO a presentá ku un otro portero ku ta un bon hungadó i a tene e wega bon den balansa.
SKAIH asta tabata dilanti AMADOR NITA VSBO pero no por a tene e bentaha aki mirando ku AMADOR NITA VSBO tabata pone hopi preshon.
Lokual a resaltá ta ku AMADOR NITA VSBO tabatin den gol e hungadó Shendryck Quandus, e hóben aki ta di estatura chikitu. El a pidi su dosente pa e para den gol. Bo por bisa ku e hóben aki tabata hopi balente mes. Na diferenta okashon el a sa di trese salbashon pa su skol i asta a fangu un pena máksimo ku SKAIH PRE UNIVERSITARIO a haña.
Ku skor pèrta di tres pa dos AMADOR NITA VSBO a sa di vense SKAIH Pre UNIVERSITARIO. I a bai ku di 3 lugá.
Gol nan anota e anochi;
SKAIH – Jayden Cijntje (1x)
SAAN – Dkendjurick Martha Boelijn (1×)
Percymar christiaan (1×).
Den e wega final ku a bai entre SGO i ST.JOZEF VSBO, e dos skolnan aki a batayá kabes kabes sin ningun di dos baha kabes pa otro.
SGO a hañanan ta batayá hopi fuerte kontra di ST.JOZEF despues di a mira kon ST.JOZEF a sali hinka gol despues di un error di e portero SGO.
ST. JOZEF a empatá e wega. Despues di esei kada bes ST.JOZEF VSBO ta bolbe bai dilanti i SGO ta bolbe empatá. Asina nan a keda bai dilanti i bolbe empatá. Esaki a pone ku alfinal mester a pasa pa saka e ganadó di e partido dor di tira penalty.
Akinan tambe mester bisa ku e emoshonnan a subi mirando ku esun ku fayá lo paga karu pa esaki i lamentabelmente ST.JOZEF VSBO mester a para mira kon e hóben portero di SGO a defendé su gol i a fangu e bala. Asina aki SGO a titulá kampion di e kampionato di e proyekto piloto ku Curfutsal a organisá.
Curfutsal ta yama danki na tur maestronan di skol, prensa i tur sobra ku a yuda nos hasi e proyekto aki posibel.
Un danki tambe ta bai spesialmente na SPORTS.CW ku a sa di tei pa “stream” e weganan “live” pa e pueblo di Kòrsou i asta esnan internashonal por a gosa di e partidonan.