WILLEMSTAD (DA) — Scherpenheuvel a keda na promé lugá den den futbòl Promé Divishon, Jong Holland ta sigui na di dos, i SUBT ta degradá despues ku a keda solamente dos partdido pa hunga den temporada regular.
Scherpenheuvel ta lidera e tabla ku 36 punto, siguí pa Jong Holland ku 34. Victory Boys ta na di tres ku 30, miéntras ku Jong Colombia i Inter Willemstad tur dos tin 29. Den bòm, SUBT tin dos punto i faltando dos partido ta konfirma ku SUBT ta baha pa di dos division.
UNDEBA a habri e e partidonan di wikent tras di lomba riba 20 di mart ku un triunfo di 2-0 riba Barber den Stadion Jean Francisca. Arboleda a habri na minüt 44 i Troeman a hinka otro den tempu adishonal di e di dos mitar. E viktoria ei a subi UNDEBA na 16 punto, dos punto tras di Barber.
Inter Willemstad i Jong Colombia a sigui riba 21 di mart ku e partido ku mas gol anota den wikent tras di lomba, akinan Inter Willemstad a gana Jong Colombia 6-5. Colina a habra e markado na di 20 minüt i Martina a hasi’é 2-0 na minüt 34.
Calvenhoven a korta e bentaha den tempu adishonal di promé mitar, no muchu despues De Kaster ta amplia bek pa Willemstad. Den e di dos mitar, Martha i Servania ta igualá e partido pa Jong Colombia, pero Stokkel ta anota dos biaha despues pa manda Inter Willemstad bek airba. Den di 90 minüt Ellensburg ta bolbe empata e partido pa Jong Colombia, no muchu despues Eekhoudt ta anota e gol desisivo pa Inter Willemstad.
Riba e mesun anochi, Scherpenheuvel ta empata ku Atletiko Saliña. Guedez a habri pa Scherpenheuvel na di 18 minüt. Martha a igualá e partido na di 74 minüt. Ku e resultado aki Scherpenheuvel ta keda na promé lugá, aunke su bentaha a baha ku dos punto.
Riba 22 di mart Jong Holland ta golea SUBT pa un vikrotia di 8-1. Danel Rosa a habri e markado pa Jong Holland na di 5 minüt, Davidson Rosa a anota seis biaha, i Roosje a agregá e di ocho gol. Cundumi a marka e úniko gol pa SUBT na minüt 31.
E gran aktuashon di Davidson Rosa ta hibe na un total di 26 gol e temporada aki.
Centro Dominguito a sera e buelta aki di Prome Divishon ku un triunfo di 3-1 riba Victory Boys. Franciska a anota na di 9 minüt pa Centro, Hooi a igualá na di 29 minüt, i Barrios a pone Centro Dominguito bèk dilanti na di 78 minüt. Kierindongo agregá otro gol den tempu adishonal.
E derota a laga Victory Boys ku 30 punto na di tres lugá, miéntras ku Centro Dominguito tin 26 punto na di seis luga.