WILLEMSTAD (DA) — Futbol Promé Divishon 2025-26 a sigui e wikènt tras di lomba ku sinku partido, ku Scherpenheuvel, Jong Holland, Centro Barber, Victory Boys i UNDEBA tur saliendo ku tres punto.
Djabièrnè den Stadion Rignaal “Jean” Francisca, Scherpenheuvel a gana Jong Colombia 1-0. F. Cattaneo a marka e úniko gol den tempu adishonal di e promé mitar. Ku e triunfo, Scherpenheuvel a subi bai 32 punto riba tabla di posishon.
Djasabra, Jong Holland a gana Atletiko Saliña ku skor di 3-0. Davidson Rosa a marka den minüt 36 i 90’+1, mientras B. Anastatia a anotá e otro gol den minüt 78. E resultado a laga Jong Holland ku 28 punto.
Tambe djasabra, Centro Barber a gana di Centro Dominguito ku skor di 3-0. J. Hugo a marka dos biaha, den minüt 21 i 88, i J. Delfina a agregá otro den minüt 82.
Djadumingu, Victory Boys a derota Inter Willemstad 3-1. E. Nurijanyan a habri e markado den e di 3 minüt, R. Winklaar a marka den minüt 22 i 69, mientras ku J. Martina a anota pa Inter Willemstad den minüt 60.
Den e último partido, UNDEBA a gana SUBT 4-1. D. Hooi a anotá pa UNDEBA den minüt 1 i 51, X. Cassiano a anotá den minüt 43, i G. Cabezas a marka otro den minüt 68. E. Cundumi a anotá pa SUBT den minüt 23.
Despues di e partidonan wikènt tras di lomba, Scherpenheuvel ta na promé lugá ku 32 punto. Jong Holland ta di dos ku 28, Victory Boys ta di tres ku 27, i Jong Colombia i Inter Willemstad tur dos ta ku 26. Centro Dominguito tin 20 punto, Barber 18, UNDEBA 13, Atletiko Saliña 9 i SUBT 2.
Pa fin di siman benidero, Inter Willemstad lo enfrenta Centro Dominguito. Scherpenheuvel lo hunga kontra SUBT i UNDEBA lo topa Victory Boys. E buelta aki ta sera ku Jong Colombia kontra Atletiko Saliña i Barber kontra Jong Holland.