WILLEMSTAD (DA) — El Salvador a bai ariba den Grupo F despues ku e ekipo a gana di Kòrsou ku skor di 2-0 na Stadion Rignaal ‘Jean’ Francisca den e 2026 CONCACAF Women’s Under-17 Qualifiers.
Kylie Guardado a manda El Salvador dilanti na minüt 14, finalisando riba un atake riba e banda drechi di tereno. Kaylen Alvarez a agregá e di dos gol na minüt 85 ku un akshon individual.
Ku e derota aki, Kòrsou ta keda ku un empate i un derota den dos wega den Grupo F. E próksimo partido di Kòrsou ta kontra Barbados riba1 di febrüari, pa 19:00’or na Stadion Rignaal “Jean” Francisca. Esaki ta e di tres i último partido di e fase di grupo pa Kòrsou.
Den e formato di e torneo, e seis (6) ganadónan di grupo (A, B, C, D, E i F) i e dos (2) miho number dos riba e tabla lo avansá pa e rondu final di CONCACAF Women’s Under-17 Qualifiers.