WILLEMSTAD (DA) — Kampionato FFK Promé Divishon 2025-2026 a kontinua ku sinku wega e wikent aki na stadion Ergilio Hato, ku UNDEBA, Centro Barber i Scherpenheuvel sakando viktoria, miéntras ku Atletiko Saliña i Victory Boys a parti punto.
E programa a kuminsá djabierne 23 di yanüari pa 20:30 ora ku UNDEBA a gana Jong Colombia 3-2. Jong Colombia a habri e markado ku L. Inesia na minüt 12, pero UNDEBA a bin bek den di dos mitar ku gòlnan di D. Hooi (47), D. de Aquino (53) i R. Winklaar (56). G. Alberto korta e bentaha di UNDEBA ku otro gol pa Jong Colombia na minüt 87.
Djasabra 24 di yanüari pa 19:00, Centro Barber a bai ku tres punto ku un viktoria di 4-1 kontra SUBT. D. Gomez a manda SUBT ariba na di 31 minüt, pero Centro Barber a respondé ku golnan di O. Vegas (57), J. Hugo (62) i dos gol di K. Kook na minütnan 80 i 90.
Riba mesun anochi pa 21:15, Atletiko Saliña i Victory Boys a empata ku skor di 1-1. R. Melfor a marka promé pa Atletiko Saliña na di 2 minüt, i T. Martier a iguala pa Victory Boys na minüt 55.
Djadumingu 25 di yanüari pa 17:30, Centro Dominguito a gana Jong Holland 2-1 ku gol di M. Perez na minüt 29 i A. Barrios na minüt 59. Davidson Rosa a hinka e úniko gol pa Jong Holland na minüt 60.
Despues pa 19:45 tabata tin e ultimo partido di wikènt kaminda Scherpenheuvel a derota Inter Willemstad ku skor di 2-1. Juan Borasit a pone Scherpenheuvel dilanti na minüt 60 i M. Ulloque a amplia e bentaha na minüt 90+2. Inter Willemstad a korta e bentaha ora ku Q. Cristina a marka na minüt 90+4.
| Posishon | Ekipo | WH | G | P | E | Gol na fabor | Gol kontra | Punto | Diferensia di Gol |
|---|---|---|---|---|---|---|---|---|---|
| 1 | Scherpenheuvel | 12 | 8 | 2 | 2 | 24 | 11 | 26 | 13 |
| 2 | Jong Holland | 12 | 8 | 3 | 1 | 35 | 15 | 25 | 20 |
| 3 | Victory Boys | 12 | 7 | 2 | 3 | 26 | 9 | 24 | 17 |
| 4 | Inter Willemstad | 12 | 7 | 3 | 2 | 34 | 19 | 23 | 15 |
| 5 | Jong Colombia | 12 | 7 | 3 | 2 | 26 | 13 | 23 | 13 |
| 6 | Centro Dominguito | 12 | 5 | 5 | 2 | 20 | 23 | 17 | -3 |
| 7 | Centro Barber | 12 | 4 | 8 | 0 | 16 | 30 | 12 | -14 |
| 8 | UNDEBA | 12 | 3 | 8 | 1 | 7 | 26 | 10 | -19 |
| 9 | Atletiko Saliña | 12 | 2 | 7 | 3 | 7 | 19 | 9 | -12 |
| 10 | SUBT | 12 | 0 | 10 | 2 | 9 | 39 | 2 | -30 |