WILLEMSTAD (DA) — E selekshon femenino U-17 di Kòrsou a empata ku skor di 2-2 ku Trinidad & Tobago den e 2026 CONCACAF Women’s Under-17 Qualifiers.
Kòrsou a habri e skor na minüt 52 ora Jacelynn Jubithana a saka un disparo for di afó di e area penal pa pone Kòrsou dilanti 1-0.
Trinidad & Tobago a bin bèk na di 58 minüt ora ku Jade Jones tambe ta saka un disparo for di afó di e area penal pa iguala e partido 1-1.
E ekipo bishitante a bai dilanti na minüt 80 ku gol di Sanni Wilson.
Kòrsou no a baha kabes. Na di 83 minüt, Xiarleahmay Martis Nocento a iguala e skor na 2-2 ku un kabesaso di serka, despues di un kórner.
