WILLEMSTAD (DA) — Kampionato FFK Promé Divishon 2025-2026 a sigui e wikènt aki na stadion Antoine Maduro ku sinku wega entre djabierne pa djadumingu, ku Victory Boys i Jong Colombia saliendo ku viktorianan grandi.
Inter Willemstad a habri e programa djabierne 16 di yanüari ku un victoria 2-1 kontra Atletiko Salinja. O. Mook a pone Atletiko Salinja dilanti na minüt 46, pero Inter Willemstad a bin bek ku gol di R. Leuteria na minüt 48 i un gol di J. de Kaster na minüt 78 pa gana e wega.
Djasabra 17 di yanüari, Centro Dominguito a gana Scherpenheuvel 2-0 ku gol di R. Boelijn na minüt 58 i A. Barrios na minüt 75. E mesun dia ey, Jong Holland a derota UNDEBA 3-0 ku gol di D. Rosa na minüt 16, S. Roosje na minüt 42 i J. Adelina na minüt 83.
Djadumingu 18 di yanüari, Jong Colombia a saka tres punto ku un viktoria 4-0 kontra Centro Barber. G. Alberto a habri e markado na minüt 10, L. Isidora a duplika na minüt 40, I. Strijkert a añadi e di tres na minüt 68 i S. Martha a sera e partido na minüt 74.
E wikènt a termina ku Victory Boys dominando SUBT 6-0. K. Cijntje a marka dos (minüt 4 i 35), J. Villalobos a pone otro na minüt 16, E. Nurijanyan a sigui na minüt 20, i R. Winklaar a sera ku dos gol (53 i 81).