HULANDA — E bòksdó kurasoleño Dethen Rosaria, kende ta biba na Hulanda i ta train ku Fitboyz010, a klasifiká pa e semifinalnan di OZNK, e Kampionato Open Zuid-Hulanda di NBB (Asosiashon Hulandes di Bòkseo), fin di siman pasá.
Djasabra 17 di januari Rosaria a derota Damiaan van Noort di Bredase Ring den e buelta di 16 na Breda, i djadomingu 18 di januari el a gana e kuart di final na Eindhoven kontra di Louis van Eck di RBV Crooswijk.
Djasabra 24 di januari Rosaria lo bringa den e semifinal di e klase di peso 75-80 kg na Sittard contra Osiris Polenghi Lopez di Boksschool Barry Groenteman.