WILLEMSTAD (DA) — Kampionato di futbòl Federashon Futbòl Kòrsou Promé Divishon ta sigui wikènt aki na stadion Antoine Maduro ku sinku wega programá pa djabierne, djasabra i djadumingu, 9 pa 11 di yanüari 2026.
E akshon ta kuminsá djabierne anochi pa 20:30 ku Jong Colombia kontra Victory Boys (Wega 46). Djasabra tin dos wega: C.S.D. Barber kontra Inter Willemstad pa 19:00 (Wega 47), sigui ku Scherpenheuvel kontra Jong Holland pa 21:15 (Wega 48).
Djadumingu tambe tin dos wega: SUBT kontra Centro Dominguito pa 17:30 (Wega 49) i despues Atletiko Salina kontra UNDEBA pa 19:45 (Wega 50).
Entrada ta kosta cg.6 pa adulto. Mucha di 6 te 12 aña i hende di 60+ ta paga cg.3.