WILLEMSTAD – Universal Motors B.V., ku ta representá e marka Kia na Kòrsou,ta anunsiá su asosiashon ofisial ku Brenton “Payo” Balentien, e fanátiko di futbòl mas pashoná di Kòrsou. Despues di e partido desisivo na Jamaica, kaminda Kòrsou a sigurá su lugá den e FIFA World Cup 2026, Brenton a ekspresá un alegria enorme i a duna di konosé su disponiblidat pa bende su Kia Sportage SUV pa realisá su soño: biaha pa e weganan di FIFA World Cup pa por animá e Selekshon Nashonal di Futbòl di Kòrsou riba e podio mundial.
Kia Curaçao, a tuma e paso pa sigurá ku Brenton por biba su soño sin mester di separá di su Kia Sportage. Kia Kòrsou ta honrá pa nombra Brenton komo e Kia Brand Ambassador lokal durante tur e kampaña di World Cup.
Kia, komo patrosinadó ofisial di FIFA World Cup, ta sinti orguyo di por apoyá Brenton. “Su dedikashon na e selekshon nashonal ta reflehá e entusiasmo di nos dushi Kòrsou,” “Nos ta hopi kontentu pa yud’é hasi su soño di Kopa Mundial 2026 bira un realidat.” segun e bosero di Kia.
Desde awor te ku final di FIFA World Cup 2026, Kia Kòrsou lo lansa un seri di inisiativa spesial i eksperensianan pa fanátikonan di Kòrsou. Fanátikonan por keda pendiente pa kontenido interesante, aktualisashonnan eksklusivo i oportunidat úniko pa tuma parti den e emoshon di e road trip mundial di Brenton. Keda konektá ku Facebook: Kia Curacao i Facebook: Brenton “Payo” Balentien na social media pa momentunan behind the scenes, notisia di su biahe i tur eksitashon rondo di FIFA World Cup 2026.
Brenton “Payo” Balentien ta ofisialmente riba k aminda pa e FIFA World Cup 2026, i Kia Curaçao ta honrá di ta parti di e logro aki.