ARNHEM – E ‘kickboxer’ di Kòrsou, Endy Semeleer, a bira kampion di e peso ‘welter’ organisá pa GLORY. Pa loke ta trata GLORY ta trata akí di un di e promoshonnan di ‘kickboxing’, di mas grandi na e momentunan aki.
Esaki tabata Semeleer su promé pelea despues ku luna pasá, el a bringa aki na Kòrsou dilanti di su pueblo, durante Honor Fight League 6.
Semeleer a kuminsá den semi final di GLORY Collision 8 ora el enfrentá Don Sno den semi final. E bringadó yu di Kòrsou no opstante ku Sno a kuminsá e pelea ku yen di energia, a sa di mustra su klase i abilidat den henter e pelea. Semeleer den di tres rònt a konektá ku un rudia fuerte ku a tumba su rival. pa asina finalmente gana di Sno pa desishon unánime.
Den final Semeleer a topa ku e surinameño nasé na Hulanda Chico Kwasi. Den un demostrashon di un kampion, Semeleer a gana di Kwasi tambe pa desishon unánime, pa asina bira kampion di e peso ‘welter’ den GLORY Collision 8.
Esaki ta promé biaha ku Endy Semeleer ta bira kampion di e torneo akí den GLORY. Den pasado e tabata tambe kampion mundial den GLORY.