WILLEMSTAD – Curacao Baseball Federation (FEBEKO) i Curaçao Beverage Bottling Company (CBBC) – miho konosí komo Coca-Cola Kòrsou – a firma un akuerdo di spònsòr ku Powerade.
E akuerdo ta inkluí spònsor finansiero i ku produkto di Powerade pa duna e tim nashonal di beisbòl e sosten pa sigui pusha riba e nivel haltu.
“Ora bo ta pensa riba deporte, bo ta pensa riba é bebida di deporte: Powerade.
Powerade no ta solamente pa kita set, sino – i aun mas importante – e ta kontené kuater mineral ku bo kurpa mester: sodium, potassium, calcium i magnesium. Nos ta yama nan ‘elektrolites’ i Powerade tin 50% mas elektrolites kompara ku otro bebida di deporte pa remplasá lokual ku bo a soda durante entrenamiento, pa bo por hasi bo deporte i bida en general mihó,” segun Myrthe George-Verhulst, Marketing & PACS Manager di CBBC. E ta sigui: “nos ta super orguyoso pa nos por spònsor e tim nashonal di beisbòl i nos ta deseá nan tur klase di eksitó na tur training i na tur wega”.
Di parti di Federashon, Presidente Jedrek Magdalena a duna di konose lo siguiente.
“Nos ta sumamente kontentu ku e partner nobo aki, e sosten finansiero sigur lo aporta na engrandese nos kampionatonan lokal, pa nos hungadonan, coachnan i tambe kuerpo di arbitro i e impakto positivo ku e tin riba nos selekshon nashonal ja ta bisto ku nos logra di medaya di Brons na Juegos Bolivarianos i Kampion di Kopa Karibe.”
Powerade sigur un produkto ku lo sigui engrandese nos federashon i e deporte di beisbol aki na Korsou.