WILLEMSTAD – Edwin Baas, presidente di Curaçao Boxing Association (CuraBox) den fin di siman último tabata na Dubai, kaminda el a asistí na kongreso di International Boxing Association (IBA). Ademas dje kongreso di IBA, e aktividat a inkluí un foro riba bòkseo mundial, tambe un anochi di pelea i e Kampionato Mundial élite maskulino.
No ménos ku 126 federashon nashonal a asistí na e kongreso, ku por sierto a konta ku presensia di vários leyenda di deporte komo tambe bòksdónan aktivo aktualmente. Entre otro Edwin Baas mes tabatin kontakto ku Manny Pacquiao, Deontay Wilder, Conor Benn, Ben Whittaker i Shannon Briggs.