NASSAU – Kòrsou un biaha mas kampion di Kopa Karibe despues di derotá Bahamas 5-1 den e gran final.
Nelmerson Angela a habri i a bai ku viktoria, tirando seis entrada, permitítiendo seis hit, un kareda sushi, poncha kuater bateadó i permiti un base por bola.
Esaki tabata su di dos viktoria: e promé wega di Kòrsou i e gran final. Angela no a permití kareda limpi den 11 entrada di labor.
Na bate, Mairo Martinus a bai di 3-2, Ericson Leonora i Shervyen Newton 3-1 ku dos kareda empuhá.
Den premio individual: Phildrick Llewellyn un biaha mas mihó kècher, Martinus mihó shortstop, Leonora mihó leftfielder. Llewellyn kampion bate ku un promedio di .625, Darren Seferina lider ku sinku base roba.
Angela hungadó mas balioso di e torneo.