LIMA – XX Juegos Bolivarianos Ayacucho-Lima 2025 a kontinuá djaluna 01 di desèmber i mester indiká ku lamentablemente e selekshon di beisbòl di Kòrsou, despues di hiba un lucha tenas di 11 entrada kontra e selekshon di Perú, ta kai vensí finalmente ku skor pèrtá di 5 pa 4.
Pa loke ta e sifranan final di e enkuentro aki, Perú ta gana ku 5 kareda anota, 1 hit konektá i 3 eror kometé, miéntras Kòrsou ta keda kòrtiku ku 4 kareda anotá, 4 hit konekta i 2 eror kometé.
Ku e resultado aki Kòrsou i Perú ta empatá ku rèkert di 1 ganá i 1 pèrdí. Djamars 02 di desèmber pa 10or di mainta, ora di Kòrsou, e selekshon di Kòrsou ta enfrentá e fuerte selekshon di Venezuela.