WILLEMSTAD – Selekshon femenino di Korsou a kuminsá su partispashon den CONCACAF W 2025-2026 ku un derrota di 6-1 kontra Panamá. E úniko gol pa Korsou a yega na minút 71, danki na Shi-Jona Martina, ku a haña e espasio pa deskontá i duna un estimulo na e mucha muhénan.
Fisika i eksperiensia di Panamá a hasi un diferensia grandi den e partido, atakenan kontinuo a krea hopi desafio pa e defensa di Korsou. Aun asina e selekshonan di Korsou a lucha i no a entrega.
Despues di e pito final, mensahe di e ekipo tabata kla: sigui traha duru i bolbe mas fuerte pa e di dos partido , e biaha akí di bishita kontra Cuba.
Apesar di e resultado, e selekshon ta keda di focus riba mehorá i sigi kompetí ku determinashon den e torneo.