WILLEMSTAD – “Awe riba dia di yama Danki, nos kier a hasi uso di e oportunidad aki na yama danki na kada un di nos sponsor nan i tambe kada un persona ku a kere den nos i ta suport nos di un manera of otro. I tambe na mesun momentu komparti ku boso algun momentu komparti ku organisashon nan den nos projecto “Di Nos Nan Ta” ku nos a laga boso sera konosi kune ofisialmente na augustus ultimo.
Na 2025, nos a yama bon bini, Smart Wheels, Denti Arte Tandkliniek, Reliance Car Rental i Bo Factura pidie duna, i tambe FDDK ku tambe a join e projekto bunita aki i hasie aun mas grandi.
Un projekto kaminda nos hungado nan ta pasa nan konosementu, disiplina i motivashon na nos huben nan.
Esaki ta djis un napa di loke e projekto aki ta para, keda follow nos riba nos media nan social pa abo tambe keda na altura di esaki.
Un danki di kurason ta bai pa Fundashon Kontakto, Prins Bernard School, St Paulus op naar de Top, Maria Auxiliadora College i tambe team di softbal femenino Domi, pa a asepta nos invitashon i laga nos forma parti di nan famia. Keda pendiente paso e anja aki nos lo adopta algun organisashon mas.”