NEW YORK, NY – E ekipo di New York Yankees a anunsiá awe ku Hensley Meulens a keda nombra komo asistente coach di bateo.
Meulens, 54, ta drenta su di 12 temporada komo parti di staf tékniko di un ekipo di Liga Grandi, resientemente e la sirbi komo bench-coach pa e ekipo di New York Mets den 2020. Promé ku Mets, e tabata 11 aña ku e organisashon di San Francisco Giants, inkluyendo 10 temporada ku e ekipo di Liga grandi. Meulens a gana tres Seri Mundial (2010, ’12, ’14) ku San Francisco, e la sirbi komo bench-coach pa dos temporada (2018-19) i coach di bateo durante ocho temporada (2010-17). E tabata responsible tambe pa instruí, posishoná i preparashon di e outfield di Giants. Meulens a kuminsá ku Giants na 2009 komo coach di bateo pa e ekipo di Tripel-A Fresno.
Promé ku Giants, e tabata pa kuater temporada ku e organisashon di Pittsburgh Pirates kaminda e la sirbi komo coach di bateo pa Tripel-A Indianapolis (2005-08). Meulens a hasi su debut komo coach ku e ekipo di Rookie Bluefield den e organisashon di Baltimore Orioles for di 2003-04.