Haiti a resultá e ekipo kampion di e Final di e kampionato di CFU Kategoria U-20

WILLEMSTAD — Despues ku 21 di òktober último e ‘CFU Men’s U-20 Qualifier Tournament’ a kuminsá, awe 30 di òktober 2016 e torneo aki a yega na su gran final. E torneo aki a konta ku un total di 8 pais kual tabata lo siguiente;

  1. Kòrsou
  2. Bermuda
  3. St. Kitts & Nevis
  4. Antigua & Barbuda
  5. Haiti
  6. St. Lucia
  7. Trinidad
  8. Cuba

E 8 paisnan aki ta repartí den 2 pul di 4 ku a hunga kontra otro.

Tur e partidonan aki ta tuma lugá den Stadion Ergilio Hato i tur dia ta tin 2 partido ku e públiko por disfrutá di dje. E promé partido tabata tuma lugá 5’or miéntras e segundo partido tabata 7:30 pm.

Lamentabemente nos selekshon nashonal kategoria U-20 no a klasifiká pa e partidonan di semi final I final di e ‘CFU Men’s U-20 Qualifier Tournament’. Esaki despues ku durante nos promé enkuentro nos a kai vensí ku e skor di 1-0 kontra Antigua & Barbuda, empata na 1 gol ku Bermuda i a pèrdè ku e skor di 3-1 kontra St.Kitts & Nevis durante nos último enkuentro. Esun ku a anotá e gol durante e segundo partido ta Leeroy Schorea miéntras Jeremy Cijntje ta e outor di e úniko gol pa Kòrsou durante nos delaster partido.

Esaki ta e último buèlta di e torneo internashonal aki ku lo determiná kua ta e paisnan ku lo klasifiká pa e terser buèlta di CONCACAF pa despues sigui pa e kampionato mundial di

U-20 di FIFA.

Resultado di e partidonan anterior:

Pul A
Fecha Resultado Tim A Tim B Lugá
1 21 okt. 16 1-3 Bermuda St. Kitts & Nevis Stadion

Ergilio Hato

2 0-1 Kòrsou Antigua & Barbuda
3 23 okt. 16 2-2 St. Kitts & Nevis Antigua & Barbuda
4 1-1 Kòrsou Bermuda
5 25 okt. 16 3-2 Antigua & Barbuda Bermuda
6 1-3 Kòrsou St. Kitts & Nevis
Pul B
Fecha Resultado Tim A Tim B Lugá
1 22 okt. 16 5-1 Haiti St. Lucia Stadion

Ergilio Hato

2 0-0 Trinidad & Tobago Cuba
3 24 okt. 16 0-4 St. Lucia Trinidad & Tobago
4 2-1 Haiti Cuba
5 26 okt. 16 1-1 Cuba St. Lucia
6 0-0 Trinidad & Tobago Haiti

Resultado di e partidonan di semi final ku final:

Partidonan pa semi-final
Fecha Resultado Tim A Tim B Lugá
1 28 okt. 16 4-5 (Pinalti) Antigua & Barbuda Trinidad & Tobago Stadion

Ergilio Hato

2 3-0 Haiti Bermuda
Partidonan Final
Fecha Resultado Tim A Tim B Lugá
1 30 okt. 16 1-2 Trinidad & Tobago Bermuda Stadion

Ergilio Hato

2 0-4 Antigua & Barbuda Haiti

Durante e anochi final, diferente premio a keda repartí, manera ‘Fair Play Award’, ‘Golden Glove’, ‘Golden Boots’, MVP, i naturalmente e medayanan di oro, plata ku bròns i e kopa di e ekipo kampion.