WILLEMSTAD — Despues ku nos selekshon nashonal a logra su promé viktoria, djarason último ganando di Antigua & Barbuda ku e skor di 3-0, tur kos ta kla pa nos selekshon nashonal enfrentá Puerto Rico awe, 11 di òktober, 7:30 pm den Stadion Juan Ramon Loubriel na Puerto Rico.
Esaki lo ta e segundo kompromiso válido pa loke ta trata e terser buèlta di Scotiabank Caribbean Cup.
Den dianan tras di lomba nos hungadónan a subi avion rumbo pa Puerto Rico pa sigui ku trainingnan i preparashonnan pa e kompromiso aki. Djasabra último e selekshon di Antigua & Barbuda a sa di gana Puero Rico ku e skor di 2-0 i a hasi nos trabou un poko mas fásil.
Si nos sali number un di nos pul, nos lo klasifiká direktamente pa Gold Cup ku por wòrdu konsiderá manera Euro Cup òf Kopa Amerika pero pa Karibe, Norte i Sentro Amerika. E 3 mihó finalistanan lo kompetí ku otro den luna di novèmber 2016 i e ganadó lo okupa e di 5 puesto, kual ta e último puesto pa un pais di Karibe klasifiká. E final di Scotiabank Caribbean Cup lo tuma lugá na komienso di yüni 2017 (kalendario di FIFA). Gold Cup 2017 lo tuma lugá den luna di yüli na Merka i esaki ta un evento grandi ku lo konta ku kobertura mundial.
Si nos sali viktorioso, esaki lo ta e promé biaha ku nos lo klasifiká pa Gold Cup.
E hungadónan ku ta forma parti di nos selekshon ta lo siguente;
- Eloy Room
- Rowendy Sumter
- Jarzinho Pieter
- Germaine ‘Kemy’ Agustien
- Jarchino Antonia
- Leandro Bacuna
- Shanon ‘Cheese’ Camelia
- Elson ‘Sontje’ Hooi
- Rangelo Janga
- Juriën Gaari
- Gino van Kessel
- Jason Wall
- Quinten Jakoba
- Michaël Maria
- Dustley Mulder
- Gevaro Nepomuceno
- Ayrton Statie
- Felitciano Zschusschen
- Christoper ‘Papa’ Isenia
- Ashar ‘Acha’ Bernardus