WILLEMSTAD — Dilanti un bon publiko Pinchingolo Nissan a sali agresivo den prome inning anotando 4 kareda i 3 den di dos inning pa finalmente gana ku skor di 8 pa 0 di Sta Rosa Vanddis.
Pa Pichingolo Nissan 8 kareda, 10 hit i 1 eror. Picher ganador a resulta Chantal Nepumucemo i miho na bate tabata Cyoendra “Pop” Peloz di 3-3 i Solange Ostiana di 2-2. Pa St.Rosa Angels Vanddis 0 kareda 3 hit i 2 eror, picher perdedo tabata Charitey.
Den e prome wega ku tambe tabata di femenino AA, Eagles Softex ta gana di Vipers ku skor di 4 pa 1. Pa Eagles Softex 4 kareda 5 hit i 1 eror, picher ganado tabata Nazira Martis i na bate pa Eagles Softex tabata Tanisha Gil di 2-1 ku homerun (bula waja). Pa Vipers 1 kareda 5 hit i 2 eror, picher perdedo tabata Lysandra Ursulita i na bate pa Vipers tabata Farella Liberia di 2-2.
Ambiente di softball fastpich ta sigi kajente djawebs 6 oktober ku 2 wega, 1 den femenino klasse A i 1 wega den AA na Frank Curiel Ballpark. Den klasse A Soto CMTC ta enfrenta St.Rosa Angels Vanddis i den AA e equipo di Vipers lo enfrenta St.Rosa Angels Vanddis. Mester remarka ku te ahinda den e prome 3 simanan di kampionato tin hopi bon publiko ta asistiendo na e weganan. I tambe nos ke rekorda nos fanatikonan ku durante e kampionato regular e entrada pa tur wega ta gratis.