Selekshon di Little League Pariba Kampion di Karibe

ST. CROIX — E selekshon di Little League Pariba a titulá kampion di e kampionato di regional di Karibe den kategoria Little. Ku e viktoria aki e selekshon di Kòrsou lo representá e area di Karibe den Seri Mundial di Little League na Williamsport, Pennsylvania. Den e partido final e selekshon di Pariba a derota e selekshon di St. Thomas, U.S. Virgin Islands ku skor di 5-0.

Den Kòrsou su di 13 partisipashon na Williamsport e selekshon lo hunga su promé partido djabièrnè 19 di ougùstùs den Volunteer Stadium. Ku e partisipashon aki Kòrsou lo bai en búskeda di su di dos título di Kampion Mundial.