WILLEMSTAD — E selekshon nashonal di Korsou ku un avalancha di gol a kue nan prome viktoria den e segundo buelta di Kopa Karibe. Tabata Felitciano Zschusschen i Gino van Kessel ku a kombina pa sinku gol i hiba e selekshon lokal na un viktoria di 5-2 kontra Guyana.
Dilanti un publiko relativamente grandi den Stadion Ergilio Hato, Felitciano Zschusschen a habri e markado den trempan di e partido ku su prome gol. Esaki no tabata e uniko gol di Zschusschen ku a bai na anota dos gol mas pa kompleta e hat-trick. Ku e tres golnan aki mes ora Felitciano ta bira e maksimo goliado di Kopa Karibe. Banda di Felitciano, Gino van Kessel tambe a anota na dos okashon.
E sigiuenta partido di e selekshon di Korsou balido pa Kopa Karibe lo ta djamars shete di yüni ora ku nos enfrenta U.S. Virgin Islands pa 8’or di anochi den Stadion Ergilio Hato.
Djasabra tin un partido amistoso programa. Segun informashonnan, e partido aki ku tabmbe lo ta den Stadion Ergilio Hato lo ta entre e selekshon di Korsou i e ekipo di Centro Barber reforsa.