WILLEMSTAD — Manera ya ta konosí nos selekshon nashonal a klasifiká pa e segundo buèlta di Scotiabank Caribbean Cup i preparashonnan a kuminsá pa loke ta trata e 2 kompromisonan di nos selekshon nashonal.
Nos promé partido lo ta kontra Guyana Inglés djárason, promé di yüni miéntras djamars shete di yüni nos lo enfrentá U.S. Virgin Islands. Ámbos partido lo tuma lugá aki na Kòrsou den Stadion Ergilio Hato (SDK) pa 8or di anochi. Banda di e dos partidonan aki tin informashonnan ku dia kuater di yüni lo tin un partido amistoso tambe. Federashon Futbòl Kòrsou no a konfirmá esaki ainda, pero hendenan yega na e federashon ta indikando ku ta konsiderando un partido amistoso.
Nos selekshon nashonal a yega Kòrsou ayera atardi ku buelo di KLM i ya a kuminsá ku nan trainingnan i preparashonnan pa loke ta trata e dos kompromisonan di djárason i djamars próksimo.
E selekshon di Guyana tambe ta na Kòrsou i nan tambe a kuminsá entrená pa nan kompromiso di djamars próksimo.
E hungadónan di nos selekshon nashonal ta lo siguiente:
- Eloy Room
- Dustley Mulder
- Shanon ‘Cheese’ Carmelia
- Elson ‘Sontje’ Hooi
- Leandro Bacuna
- Jarchinio Antonia
- Gino van Kessel
- Michaël Maria
- Rhu-Endly ‘Cuco’ Martina
- Jeremy de Nooijer
- Gianluca Maria
- Rangelo Janga
- Gevaro Nepomuceno
- Irvingly van Eijma
- Darryl Lachman
- Jason Wall
- Germaine ‘Kemy’ Agustien
- Felitciano Zschusschen
- Gillian Justiana
- Derwin Martina
- Ayrton Statie
- Jarzinho Pieter
- Rowendy Sumter
Karchinan pa e 2 partidonan aki ya ta na benta i ta optenibel na FFK bou di ora di ofisina, Botika Mampuritu, Beep Beep, 4th of July Snèk na Barber, pòmp di gasolin Santa Maria i na tur filial di C-Post N.V.
E preisnan pa e diferente paketenan (di ámbos partido) pa sekshonnan ta lo siguiente:
- VIP ta kosta Fl.300,- (inkluso konsumo);
- Bou di tribuna kubrí ta Fl.75,-
- Bou di tribuna kubrí parti Festival Center ta Fl.50,-
- Tribuna no kubrí ta Fl.30,-
- Den e sekshon di tribuna no kubrí mucha te ku 12 aña i 60+ ta paga Fl.20,-
Tene na kuenta ku e preisnan aki ta bálido pa ámbos partido, pues bo ta kumpra un pakete di karchi pa tur e 2 partidonan aki!
Ainda tin mas suèter di nos selekshon nashonal ku shal optenibel na FFK bou di ora di ofisina na balor di 35 ku 25 florin. Pasa buska di bo pa asina bo bin sostené i apoyá nos hungadónan.
Reservá djárason dia promé di yüni i djamars shete di yüni pa bo ta den stadion Ergilio Hato komo e number 12 sosteniendo nos selekshon nashonal. Nos ta konta ku bo!