Kòrsou ta enfrentá R.K.V.V. Westlandia den partido amistoso 20 di mei

WILLEMSTAD — E selekshon Nashonal di Futbòl di Kòrsou a kuminsá ku su preparashonnan pa a segunda buèlta di Kopa Karibe. Den e di dos buèlta e selekshon di Kòrsou lo enfrentá e selekshon di Guyana i tambe e selekshon di U.S. Virgin Islands. E enkuentronan lo tuma lugá dia promé di yüni i shete di yüni den Stadion Ergilio Hato na Kòrsou.

En konekshon ku e partidonan di e di dos buèlta di Kopa Karibe e selekshon di Kòrsou lo hunga un partido di fogeo kontra R.K.V.V. Westlandia. E partido aki lo tuma lugá djabièrnè 20 mei pa 8’or anochi den stadion di Excelsior Massluis na Hulanda.

Ya e hungadónan a keda konvoká i pronto lo tin un anunsio ofisial di e selekshon ku lo representá Kòrsou den e di dos buèlta di Kopa Karibe.