Selekshon nashonal di futsal rumbo pa Costa Rica

WILLEMSTAD — Manera ya ta konosí nos selekshon nashonal di futsal a klasifiká na yanüari último den e promé buèlta di e torneo aki i awor, nos selekshon ta kla pa saka kara di Kòrsou den e segundo buèlta di e CONCACAF Futsal Championship.

Despues di dianan di trainingnan intensivo i un temporada di preparashon ekstenso, djaweps 5 di mei 7:00 AM nos selekshon nashonal di futsal lo biaha pa Costa Rica pa asina kumpli ku nan kompromisonan den e segundo buèlta di e CFU Futsal Tournament ku ta tuma lugá di 8 pa 14 di mei próksimo.

Nos grupo, kual ta grupo B, ta konsistí di e siguiente paisnan; Cuba, Costa Rica, Canada òf Merka i Kòrsou.

Skema di weganan: 

Weganan Final: 

*E orarionan den e skema ta ora di Kòrsou

Den transkurso di e siman aki nos lo sa ku Merka òf Canada ta bira nos kontrikante.

Esaki abase di e resultado di nan weganan ku ta tumando lugá e dia nan aki.

E 4 ganadónan di e buèlta aki lo sigui den kontienda pa e Mundial di Futsal ku lo tuma lugá na Colombia den luna di sèptèmber i òktober.

Nos selekshon nashonal di futsal ta konsistí di un grupo di 14 hungadó ku ta wòrdu dirigí pa Sr. Kenneth ‘Bob’ Bernabela ku ta e direktor tékniko di e selekshon aki i Sr. Jubinald Martis ku ta e asistente di e direktor tékniko.

Tambe ta biaha huntu ku e selekshon Sr. Luthson Reenis ku ta esun enkargá ku e materialnan di e selekshon, un fisioterapista kual ta Sr. Sander Schelling i e hefe di delegashon ku ta       Sr. Alexander Molina, miembro di direktiva di FFK.

Nos selekshon ta konsistí di e siguiente hungadónan:

1. Ashar Bernardus
2. Gino Costina
3. Shurwendel Roosje
4. Everon Espacia
5. Jarzinho Pieter
6. Rudrick Pop
7. Germaine Geerman
8. Jean Pauletta
9. Stallone Isenia
10. Jamain De Kaster
11. Luidjino Hoyer
12. Djuric Ascencion
13. Every Janzen
14. Bryan Pareira

E delaster 4 hungadó nan aki a bin for di Hulanda pa bin reforsá nos selekshon nashonal di futsal.