WILLEMSTAD — Djaweps 14 di Aprel, Fundashon Beheer Johan Cruijffveld, a organisá un torneo di Futsal na honor di Sr. Johan Cruijff QEPD. E fecha skohé ta en konekshon ku e number 14 ku ela karga den lomba hinter su karera. E fundashon Cruijff a opsekiá e kancha yama Cruijff Court na aña 2006 y Sr. Johan Cruijff mes a hasi e apertura huntu ku Reina Beatrix.
Esaki tabata un di e dos kancha ku e la opsekiá Kòrsou. Porsierto 2 siman pasa Fundashon Cruijff a hasi apertura di e promé kancha Cruijff na Merka.
Na aña 2013 Stichting Beheer Sportterrein Monrepos ku un donashon di Refineria Isla e kubri e kancha Johan Cruijff y e dia ei a hasi e re-apertura.
Na okashon di e fayesimentu di Johan Cruijff, F.D.D.K. konhuntamente a organisá e torneo di Futsal ku tabata un éksito rotundo. E evento a kuminsá ku un minüt di silensio pa rekordá Johan Cruijff. Pa e fundashon Beheerstichting Sportcentrum Mon Repos sr. Willy Harms a hasi apertura i a diskulpa presidente sra. Aminta Sprockel.
E seis ekiponan invitá a lucha deportivamente y e ekipo di rèfrinan a hasi un tremendo trabou dirigiendo e partidonan. Tambe nos kier a gradisí Sr. Legeanne Ranis pa su koperashon.
E ekiponan futsal ku a partisipá ta Babranis ,The Devils, Securitas , Junior Contractor , selekshon U-17 y Biko Hooker Y final a bai entre Junior Contractors y Babranis den un partido elektrisante pero tambe ku un nivel haltu di deportivismo.
Kampion a resultá Futsal Club Juniors Contractors y na di dos lugá Futsal Club Babranis ku a risibí nan respektivo trofeonan for di man di direktor Sr. Kenneth Hennep. Tambe un trofeo pa e ekipo mas disipliná a wòrdu entrega na e ekipo The Devils.
E intenshon ta pa organisá e torneo aki tur aña.