Selekshon nashonal U-13 ta terminá na terser lugá

ORANJESTAD — Nos selekshon nashonal di U-13 a konkistá e terser puesto aya na Aruba den e torneo internashonal Aruba Himno i Bandera. Manera tabata ta di spera nos selekshon a hasi un bon trabou i a gana 3 di nan partidonan, empatá 1 i pèrdè solamente 1 partido. Ku e resultado aki nos selekshon a klasifiká pa e partido ku lo determiná ken lo keda na terser i di 4 puesto ku a tuma lugá 18 di mart último. Nos a terminá na terser puesto despues di a gana Boneiru ku e skor di 5-1. I Colombia a titulá nan mes komo e kampionan di e torneo aki despues di a gana e ekipo anfitrion, Aruba, ku e skor di 2-1.

E goliadónan durante nos último partido ta lo siguiente; Emian Semedo (2x), Lucas Neutegum, Rensver Juliana i Sidney Kastaneer. Nos selekshon a hasi un bon trabou ku un total di 17 gol na fabor ku solamente 2 gol kontra.

Nos selekshon nashonal di U-13 tabata konsistí di un grupo di 19 hungadó ku ta wòrdu dirigí pa Sr. Germain Ignacius ku ta e direktor tékniko di e selekshon aki i Sr. Frank Lichtenberg ku Sr. Brenton Balentien ku ta e asistentenan di e direktor tékniko.

Tambe a biaha huntu ku e selekshon Sr. Malcolm Pieternella kual ta e masahista di e selekshon i e hefe di delegashon ku ta Sr. Ebell Scharbaai, miembro di direktiva di FFK.

Nos selekshon tabata konsistí di e siguiente hungadónan: 

  1. Leroy Dickens
  2. Xavier Susanna
  3. Nicolas Loaiza
  4. Zain Virginia
  5. Keaton Bowland
  6. Shadyon Scoop
  7. Daven De Palm
  8. Arthur Suart
  9. Sydney Kastaneer
  10. Dairison Pieternella
  11. Reuel Martina
  12. Yesias Ignacius
  13. Reinier Bonifacio
  14. Emian Semedo
  15. Lucas Neutegem
  16. Akram Potmis
  17. Rayhim Inesia
  18. Rensver Juliana
  19. Ryanchelo Cicilia