WILLEMSTAD — Manera ya ta konosí nos selekshon nashonal lo tin ku enfrentá Barbados i Sto.Domingo den e promé buèlta di e weganan pa eliminatorio pa Caribbean Cup 2016. E promé partido lo tuma lugá aya na Barbados 8or pm dia 23 di mart den stadion Usain Bolt Sport Complex miéntras e segundo partido lo tuma lugá aki na Kòrsou dia 26 di mart próksimo, 6:30pm den Stadion Ergilio Hato (SDK).
Nos selekshon lo yega Kòrsou djaluna 21 di mart ku buelo di KLM pa 14:50 pm i lo sali riba e mesun atardi, 5or ku buelo di Insel Air rumbo pa Trinidat & Tobago pa despues nan kue un otro buelo pa bai Barbados i asina kumpli ku nan promé kompromiso na Barbados dia 23 di mart. Despues di e partdido entre nos selekshon i Barbados, nos selekshon lo regersá Kòrsou direktamente despues di e wega ku un charter di Insel Air, dia 24 marduga pa kontinuá ku trainingnan pa enfrentá Sto.Domingo den e partido tan espera ku lo tuma lugá aki na Kòrsou 26 di mart.
Nos selekshon nashonal enkabesá pa Sr. Patrick Kluivert ta konsistí di e siguiente hungadónan:
1. Eloy Room
2. Rowendy Sumter
3. Jarzinho Pieter
4. Germaine Agustien
5. Jarchino Antonia
6. Leandro Bacuna
7. Shanon Carmelia
8. Luidjino Hoyer
9. Rangelo Janga
10. Gillian Justiana
11. Gino van Kessel
12. Doriano Korstam
13. Darryl Lachman
14. Gianluca Maria
15. Micheal Maria
16. Rhu-Endly Martina
17. Vidarrell Merencia
18. Dustley Mulder
19. Gevaro Nepomuceno
20. Jeremy de Nooijer
21. Evron Pisas
22. Jason Wall
23. Felitciano Zschusschen
Karchinan lo ta na benta entrante pronto i e preisnan pa e diferente sekshonnan ta lo siguiente:
* VIP ta kosta Naf. 250,- (inkluso konsumo);
* Bou di tribuna kubrí ta Naf. 50,-
* Bou di tribuna kubrí parti Festival Center ta Naf. 35,-
* Tribuna no kubrí ta Naf. 25,-
* Den e sekshon di tribuna no kubrí mucha te ku 12 aña i 60+ ta paga Naf. 12.50
Karchinan adelantá ta optenibel na FFK bou di ora di ofisina, na Pòmp di gasolin Sta. Maria, Botika Mampuritu, Beep Beep i na 4th of July snèk na Barber i tur filial di C-Post N.V.
Un i tur ta keda enkurashá pa kumpra nan karchi trempan debí ku ta spera un yeno kompletu pa e partido aki. Pa abo ku ainda no tin bo flanèl i/òf shal di nos selekshon, pasa buska di bo na FFK bou di ora di ofisina na balor di fl.35,-. Ainda nos tin algun den stòk pa asina tur fanátiko por tin nan flanèl pa bin apoyá nos selekshon komo e number 12!
Nos selekshon i nos hungadónan ta konta kubo sosten masal den SDK dia 26 di mart!