WILLEMSTAD — Despues ku 26 di aprel último Liga Lito, e liga dediká na esnan mas chikí den e famia di futbòl a ranka sali, djadumingu awor, 6 di dezèmber Liga Lito ta yega na su final. Liga Lito, patrosiná pa MCB, ta e liga di futbòl pa nos muchanan di U-6 ku U-8 (edat bou di 6 i 8 aña) ku kada dos siman riba djadumingu di mainta pa mèrdia, ta ehersé nan deporte preferí na tereno di FFK.
Liga Lito 2015 tabata hopi eksitoso i ela konta ku un total di 9 klup.
E klupnan ku a partisipá na Liga Lito ta Lo siguiente;
- Centro Dominguito
- Quick’60
- Jong Holland Infantil
- United Soccer Fitness
- Excellence School
- Victory Boys
- Fc Stallions
- New Song
- SUBT
FFK kier a yama danki na tur e timnan ku a partisipá na Liga Lito, e entrenadó nan, mayornan, prensa, rèfrinan, komishon Lito, nos spònser MCB, Lito i tur ku a duna un aporte pa hasi Liga Lito 2015 unu eksitoso.
Un yamada ta bai na hinter e pueblo di Kòrsou i spesialmente e fanátiko nan di futbòl pa asistí na e klousura di Liga Lito kaminda tur e timnan aki lo enfrentá otro i disfrutando di nan deporte preferí, den presensia di Lito ku tambe lo tei pa e gran klousura di su liga.
Bin presensia e weganan aki ku ta kompletamente grátis i disfrutá di e partidonan aki ku hinter bo famia. E weganan ta ranka sali 10or di mainta na tereno di FFK i ta terminá mèrdia.