MANAGUA — Segun ‘Revista Beisbolera’ di Nicaragua, e ekipo di Tigres de Chinandega na Nicaragua a añadí e pelotero di Kòrsou, Curt Smith na nan ekipo. Sin embargo, e ekipo di Chinandega no a hasi un anunsio ofisial ainda.
Curt den e temporada tras di lomba a hunga ku e ekipo di Lincoln Saltdogs den Liga Independiente. Akinan e pelotero a finalisá temporada ku un promedio di .294 ku 12 honron i 61 kareda empuha den 87 partido.
Den e torneo di Premier12, kaminda Curt a partisipá ku e selekshon di Reino, e pelotero a bati pa un promedio di .400 ku 1 honron, 2 doblete i 9 kareda empuha den seis partido.